I Video wa saitkhooid u Umar Un Nabi uwa tip leh kam u Dr. Umar Muhammad, uwa tympdung Bomb pyn ya oo hi (Suicide Bomber) ha Red Fort ha ka 10 tarik uni u bnai da mih pyrthai i.
Ki bor pulit da ong ki wa u Umar da saam u ya ini i Video ha ki Telegram Group ar bnai nachwa wow saitkhooid yei tympdung Bomb ki bru ha kylleiñ ka pyrthai.
Ha i Video u Umar da ong u wa da sñiawthooh bakla ya i Suicide Bombing heiwa da ong u wa u bru wa tympdung Bomb pyn ya oo hi tip che u wa daw yap u.
Da ong u wa ini toh i yap chlur ki khlawait namo ka Martyrdom ha ka niam Islam heiwa katni da em kiwa pyrchah yeini.
Chooh chooh da ong u wa ki khlawait ymtip ki heiwon wei mynnu u yap ki wei lada man iwa da thoh toh iwa daw jia, su hun hi wei ymtoh u tieñ yei yap.
Ini i Video jrong i chi minit 20 Second heiwa da klam u dei English wei da riñ yeini ha kamra Hostel u.
Ha i Video da yoo ya u Umar wa klam u wer næ khlem tieñ hawa saitkhooid u yeiwa oo leh daw leh u.
Discussion about this post