Dang pynbait khaddooh ya ka soskular chna Nursing College ha Mukhla: Wailadmiki

Ynne ka sngi u Health Minister ka jylla, u Wailadmiki Shylla da ong u wa heipor wa lehkmen Meghalaya Day ha uni u snem ha Jowai (heipor wa sdang ya ka lympung Meghalaya Games), u Chief Minister ka jylla, u Conrad Sangma da pynbna u wow sdang noh ya ka Nursing College ha Ri-loom Jaiñtia.

Heiyatoh wa ini, u Wailadmiki da ong u wa da emkaam ya i thaw wa heh 4-5 Acre yeiwa da e da ka Dorbar Chnong Mukhla wei katkam wa man kattæ dang chong pyrkhat heiyatoh wa ka soskular neibhah ymye ka chnong wow e mynkna donhi yei thaw.

Da ong u wa ha ka tayaaw wa dadep da chong yalang hapyrdi ki sahep ka Health wa ki waheh ka Mukhla hajrong wow pyrkhat khaddooh ya ki kyndon ka soskular khnang wow phah noh cha ka sorkar pyrdi wow yoh ya ka poisa (Sanction).

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

Heiyatoh wa ka Medical College, u Wailadmiki da kubur u yei eh wow sdang ya ka neibhah wa boon ki bynta wa emkaam wow pyndap deiwa kdaw yeiwa da takhooh ki heiyatoh wa ki Medical College ha Tura wa Shillong nadooh i duna kiwa sikai hanla kattæ leh daw pait won leh yeini wow booh College ha Jowai mynried.