Hap deiñ da ki snieh-rdang wa em ki nar wa nep yow yada na u khla heipor wa lai rep

Kiwa chong chnong ka Pimparkhed wa em hajan Pune, Maharashtra da hap ki wow deiñ da ki snieh-rdang kiwa emlang wa ki nar wa nep heipor wa kreh ki ha ki lyngkha yow yada ki na u khla Leopard.

Da hap ki wow leh yeini neidaw wa em uwi u Leopard wa da pyndik ya kiwa chong chnong deiwa pynmynsoo pynyap ki da boonsien wei da kyntu ki leh ya ka sorkar wow chimkhia yeini wa da hap ki wow maad.

Da ong ki wa uni u Leopard toh uwa ye u wan ha iwon iwon i por nadooh ki por wa kreh ki ha lyngkha wei manda em ki hapoh yung leh hap ki wow im dei tieñ wei ym em laad ki deiwi neibhah wa im-ja ki nei rep.

Da khana ki wa chi bnai nachwa da em kawi ka manbei wa chah pynyap wei chwa kani da em leh ka khynnah wa chah pynyap ha uni u Leopard.

Related posts

Hapoh chi bnai pyndep yei chna ya ka phlim Telegu ha Meghalaya deiwa yoh kreh 2000 ngut

November 22, 2025

U krehkaam noh ka Greater Shillong Water Supply Scheme Phase III hadien 17 snem

November 22, 2025

Kani ka manbei da jia ya ka heipor wa mih ko hei step yow lai e baam ya ki masi heiwa da wan syndet uni u Leopard uwa da taan ka 1 Km chapoh ka thaw rep pe.

Neiliang ka sorkar da pyntip ko wa 3 ngut ki bru wa kynthup ya ka khynnah wa dang 5 snem, ka bru wa 82 snem wa u khynnah wa 13 snem da chah pynyap ki ha uni u Leopard nadooh ka 12 tarik u October iwa da pynsier ya kiwa chong chnong ka Junnar, Shirur, Amegoad wa Khed wei hadien wa jia ini neiliang u Pune Conservator of Forest, u Ashish Thackeray da yoh u yei mynjur na u Principal Chief Conservator of Forest (Wildlife) wow pynyap noh ya uni u Leopard.

Kamtæ da lai thooh ya uni u Leopard deiwa pynemkaam da ki Camera Trap wa ki Thermal Drones heiwa da chem ya oo ha iwi i thaw wei manda siat da u Tranquilliser Dart ym em tne oo, wei uni u Leopard da kdong u ki kini ki bru wa siat oo wei ym yohsa wow siat oo da u kuli hadooh wa yap u wei da antaad uni u Leopard toh uwa em 5-6 snem i rta.

Hadien ini da lai pynyoo ya uni u Leopard wa da yap cha kiwa chong chnong.

Tangwa kiwa chong chnong ym pu em wiar i tieñ ki neidaw wa dang em hi wa yoo Leopard chajan ka chnong wei katni manda lai ki cheiwon cheiwon da hap ki wow lai yonglang wei ym nood de ki u lai samen samen wei da hap ki leh wow pynkylla yei por man skur ki khynnah.