Ka Duk I Suk Committee ka Dorbar Chnong Loompyrdi Iongpiah, Jowai ynne ka sngi hei ya krehlang wa ka Jowai Civil Hospital Blood Bank da pynman ko ya ka Awareness Cum Blood Donation Camp ha Yungwalieh ka chnong.
Ka thong wei thmu wa hakhmat yong ka Duk I Suk Committee wow pynman ya kani ka pynsñiawthooh wei e snaam sñiawbha toh ha ka yurim wow chankylliang wei rap kylliang hapyrdi ki para bru khlem da em i sñiaw yaphær.
Chwa wow sdang i e snaam, neiliang ki bru wa toh u pait u yoo ya ka Jowai Civil Hospital Blood Bank da wan ki wow pynman yei pynsñiawthooh wei pynche ya kiwa chong chnong chaphang ka Blood Donation.
Neiliang ka Dr. Ibansara Khyriem, Medical Officer, Jowai Civil Hospital Blood Bank da e ko i khana, i batai, i pynche, i pynsñiawthooh chaphang i emkaam yong ka Blood Donation wa i myntoi wa yoh ki bru kiwa e yei snaam.
Neiliang ka Doctor da e ko i sñiawngooh ya ka Dorbar Chnong Loompyrdi Iongpiah kawa da chim ya kani ka yukit ha ka yurim wow yarap u pynim ya ki mynsien wa kordor kiwa dawa u yoh yei snaam hapyrdi wa em ki hei chitom ha ki thaw sumaar.
Discussion about this post