67.3% poi ka vote wow jied Dolloi ka Elaka Jowai

Jowai : Ka jied Dolloi neibynta ka Elaka Jowai ynne da man ko kawa lai bait heiwa ym em iwon iwon i jia wa lehbor heipor wa thap vote.

Ha kani ma yakhun da em ar ngut ki kyrtong wa kynthup ya u Puramon Kynjing wa u R K Ram Rymbai.

Ha ki 35 tylli ki thaw thap vote næ ki polling station da em 24532 ngut kiwa thap wei da wan thap ya ka vote won du 16518 donhi iwa mut 8014 ngut ym em thap vote ki.

Ya ki vote u ñiaw ya ki ha ka 17 tarik uni u bnai neipor 9:30 i step.

Ka polling station wa poi boon dooh ka vote toh ha Dulong heiwa poi hadooh 1040 ngut kiwa thap katwa ka thaw wa duna dooh toh ha Tawahusdiah heiwa da poi kiwa thap vote du 99 ngut donhi.

Em leh i ood wa mih na ki paidbah wa em ki thaw kiwa thap vote ym em mih pyrtuid ki ha ka Electoral Roll.

Related posts

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Pyndep ka Raij Jowai ya ka Kbai Mooknor wow e ngooh ya ki Soo Dwar Soo Luti

June 6, 2026