Yoh kjut palat 50 ngut ki khynnah ka JNV Rymbai nei leh habra i pynkhreh baam ya ki

Ka Jaintia Students’ Union (JSU) Central Body ynne da lai hiar ko cha ka Jawahar Navodaya Vidyalaya (JNV) Rymbai hadien wa yoh ujor na ki bei ki pa kamjooh na kiwa yahkhmat ka imlang sahlang wa em boon ngut ki khynnah wa yoh yei prai i pynhiar deiwa suba toh wa sih i baam iwa da jia nadooh ka 22 tarik uni u November heiwa da em leh kiwa poi cha PHC Rymbai.

Da emlang leh ha kani ka sngi wa u Food Safety Officer ka East Jaiñtia Hills, u Mardeng Diengdoh heiwa da chem wa ka thaw chet, ka thaw e baam wa ka thaw baam ki khynnah toh kiwa jakhlia bha.

Hapoh ka thaw chet da chem wa kiwa chet ym em sap Mask, sap Apron wa kiwi de yow khooid i rukom pynkhreh baam.

Ki paikhana leh toh kiwa em pynhajan ka thaw baam wei ka um leh toh kawa kylla rong soo ka wym biang wow pynemkaam.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Neiliang u khynnah wa lai puræ da ong wa da em 39 ngut ki khynnah kattæ kiwa ym em wan skur neidaw wa yoh kjut ki heiwa du ynne ka sngi da em palat 20 ngut kiwa yoh kjut heipor step.

Yow pyntikna yeini da lai cha Rymbai PHC heiwa u Doctor da pyntikna u yeiwa em kiwa yoh yei prai pynhiar wa man neidaw wa leh i baam.

Heiyatoh wa ka yung skur wa thymme kani ka JNV Rymbai kawa dang chna kattæ, da chem wa hapoh ka Phase-A kawa da man tangka Rs. 50 klur, i kreh wa dadep man ko kamwa 95% tangwa ym pu em taan bordiñ wei taan um.

Ka Phase-B won kawa man Rs. 20 klur da chem wa i kreh wa da pyndep man ko 40% donhi heiwa ka tarik wow pyndep kreh man ko ha u April 2026.

Neiliang u Principal ka JNV da ong u wa da pynkhreh wow kyrriah cha ka yung skur wa thymme hapoh 15 sngi.

Waroh kiwa sah ha kani ka skur da em ki kamwa 200 tam.