Ka Supreme Court ynnin da chrai ko ya ki sorkar jylla wa ka sorkar pyrdi yei wym bood ki ya ka hukum yong u 2020 wa phah pyndait CCTV Camera ha waroh ki Police Station.
Ka miej bichaar u Justice Vikram Nath wa u Justice Sandeep Mehta da ong ko wa i yap ki bru ha kti ki pulit hapoh thanat toh u moochynthut ha i chakri wei yoo lakam ka sorkar pyrdi kheiñstiñ ko yeini i kaam heiwa wot ya ki Affidavit wa da bood ki ya ka hukum leh ym em u e ki.
Ka Supreme Court da bichaar ko ya ka mukotduma wa yatoh wa ka khubor wa mih ha uni u snem heiwa da em 11 ngut wa yap ha thanat ha Rajasthan hapoh phra bnai wei da pynmih hukum wow em ki CCTV Camera wa krehkaam chirup wa ka Night Vision ha waroh ki Police Station ka ri.
U Justice Mehta da kdaw u wa waroh ki sorkar jylla wa emkaam u bood ki ya kani ka hukum wow booh CCTV ha ki thanat.
Discussion about this post