U wanrah ya boon tylli ki College sorkar wa kynthup kawi ha Jalaphet: Lahkmen Rymbui

U Montri ka chnat Puræ Puthi, u Lahkmen Rymbui hawa klam ha ka yalang pynlait ya ka Umbrella Post Matric Scholarship wa da pynman ha District Auditorium, Tura ynne i step, da ong u wa hadooh u snem 2018 em du 6 tylli donhi ki College sorkar ha Meghalaya.

Tangwa nadooh u 2018 da em College ka Rongjeng, Mawphlang, Patharkhmah, da yoh leh ka Shillong Engineering College najrong wa yoh leh ya ka State University.

Related posts

Ha uni u bnai u yoh ka tulop ki Contractual Nurse: Wailadmiki

January 14, 2026

Da sdang ya ka Association kari kamai yow pynsuk ya kiwa lai Phramer-Saphai-Umrangso

January 14, 2026

Kamtæ da pyntip u wa daw yoh ya ka Mahendraganj College, daw yoh leh kawi ha Mawshynrut, ha Jalaphet wei dang yang wow yoh bor na ka Architectural Council of India yow sdang ya ka College of Architecture and Urban Planning ha Tura.

Da ong u wa ini waroh ym ye wow man lada ym yoh ya uwa yahkhmat wa tip yeiwa kwah ki paidbah deiwa e nongmuna wa ya ka Capt. Williamson Sangma Technical University Act kawa da mynjur nadooh u snem 2011 du wow ong donhi wa ka sorkar da booh ko ya kani ka University tangwa ym em leh iyi iyi kat hadooh wa poi u snem 2019 heiwa da sdang 56 tylli ki Course kam wow sdang wei hadooh wa pynkylla won ka cha ka Capt. Williamson Sangma University, ka Board of Governor ym jooh chong yachem ko chisien leh wei du hadien wa leh yeini da chong yachem ki hei sien nyngkong yow pyrkhat ya ka thong ka luti wa chakhmat.