Ki ar tylli ki liang kiwa dadep jop yei naam Champion ka Super Division ka West Jaiñtia Hills District Sports Association (WJDSA) da chah pynhiar kyrdan ki cha ka 1st Division ha ka samoi wow wan.
Ynne da pyndep ya waroh ki yalehke kiwa mar 7 sien ki 8 tylli ki Team heiwa da yoh nyngkong ka Khimusniang kawa da yoh 18 Point, hei wa ar won da yoh ka Demthring kawa yoh 16 Point wei hei wa le da yoh ka Ladthadlaboh katwa hei wa soo da yoh ka Mooknor Thadmuthlong kiwa da yoh mar 11 Point Point tangwa da tam ka Ladthadlaboh deiwa khieñ ya ka Goal Difference (+1,-5).
Ka Nangbah Mulang kawa man kam ka Super Division Champion 2024, ha uni u snem da em ko ha tre dooh deiwa khlem jop chisien leh wei ya Drawn ko ar sien yow yoh 2 Point.
Haneiñ yong ka da em ka 7 Wasa United kawa da jop ya ka Super Division da boon sien heiwa ha uni u snem da yoh ko 4 Point deiwa ya Drawn soo sien.
Discussion about this post