I chah pynawri ki Khasi Pnar hapoh Bangladesh yoosar ympu kut i hdooh katni, heiwa ha kani ka kynti da duk ki u yut na yung ki wa em ha Kulaura Upazila wa em hapoh ka Moulvibazar District.
Ha kani ka 6 tarik da chem yei metyap u Rimon Mia, wa 25 snem i rta chirup wa ki dak takha hei doh i pran i yong oo.
Ynnin ki seiñbhalang da lai yachem ki wa ki paidbah ha ka chnong Meghatila Punjee ya kawa da yahkhmat da ka Bangladesh Poribesh Andolon Central Committee.
Ka khubor wa da mih ha ka Dailystar da ong wa u heh kani ka seiñ u Father Joseph da pyntip u wa ki Khasi Pnar ha kini ki chnong dei langær chah maham ki wei chah pyntieñ wa ye ki u chah beh chnong.
Ha kani ka khubor da ong wa chah thooh kajia ki dei langær wei ka Nilima Raksam na chnong Amuli da ong ko wa ki khynnah skur ym nood de ki wot tang u mih neidaw wa tieñ ki hadooh kiwa leh exam leh haap pep ki.
Neiliang u Superintendent of Police ka Moulvibazar District leh da kyntu u ya ki Bengali wow yada ya ki Khasi Pnar kamjooh leh yei hok i yong ki.
Discussion about this post