Hanla i pyrchah da mih i na kiwa boon yei wanrah ya ka luti rel cha Jaiñtia Hills nadooh kiwa da thoh cha ka JHADC wym toh u e NOC wow leh yeini heiwa da pynman leh yei lai rah lama rong yong ha Khliehriat yow pyrchah, wei ha uni u snem da em kiwa da ong wa da yoo ya ki dak ki chin wa lai leh sorjamin (Survey) neibynta wow wanrah ya ka luti rel kawa em hapoh ka Northeast Frontier Railway (NFR).
Katkam ka Mang Tangka 2025-26 ka Northeast Frontier Railway da em ar tylli ki New Lines namo ki luti rel thymme yow lai leh Survey kiwa da yoh mynjur wei kiwa da mang wow poi hadooh ha Jowai.
Kawi ka sorjamin toh kawa da e pyrtuid kam ka Final Location Survey for New Line from Jowai-Khlieriat-Chandranathpur wa jrong 79 km wei ya kani da booh Rs. 9.39 klur wow leh yeini. Ka Chandranathpur toh kawa em ha Cachar District ka Assam.
Sa kawi ka luti rel toh kawa tip kam ka Chaparmukh-Jowai Line wa jrong 180 Km kawa daw lai luti na Umrangso na Dima Hasao District ka Assam wei daw pynkut ha Jowai.
Ya kani ka Survey wa tip kam ka Reconnaissance Engineering cum Traffic Survey for New Line Chaparmukh-Jowai via Dalimbari, Bhokchung, Rajagaon, Baithalangso, Dongkamukam, Jengkha, Kheroni & Umrangso (180 km), da booh Rs. 69 lak ka mang tanga wow leh yeini.
I leh Survey da booh wow leh ha u snem thymme wow wan.
Kam wow pynkynmoo wa ha Meghalaya da em du kawi donhi ka Railway Station ha Mendipathar, North Garo Hills wei ini wa dep da em kiwa mihkhmat paidbah kiwa da dawa wow pynjrong ya ka luti rel hadooh wa poi cha Baghmara, South Garo Hills.
Discussion about this post