Sdang ka 1st Sniawbhalang Knockout Tournament yong ki 18 chnong

Ka lympung yalehbol wa tip kam ka 1st Sniawbhalang Knockout Tournament kawa pynman da ka NPYF Khanduli Unit da sdang ko ynne ha Mini Studium Khanduli.

Ya kani ka lympung yalehke yong ki 18 chnong ka thaaiñ da wan wai ya ka da u MLA ka thaaiñ uwa man leh u Deputy Chief Minister, u Sniawbhalang Dhar hei emlang u MDC ka thaaiñ, u Phienshwa Nanglein, u Reformingson Lamare, MDC ka Nartiang-Wahiajer wa kiwi.

Ya ka yalang wai da pynlai da u Beril Bynnud uwa man u Chairman ka Tournament Committee wei da yoh leh yei ngoohblai na u Tbn. N. Challam.

Neiliang u Waheh Chnong ka Khanduli, u Yoshida Nongspung da e u ya ki kyntien pdiang burom.

Related posts

MSL-5: Phra tylli ki yalehke wa da pynman ynne ka sngi

April 16, 2026

MSL-5: Jop ka Nongkseh SSCC ya ka Khimusniang SC da 2-1

April 15, 2026

U Sniawbhalang Dhar hawa e i klam da e khublei u ya ka NPYF Khanduli Unit wa da pynman ko ya kani ka lympung deiwa kitbok leh ya kiwa chimbynta ha ka.

Ha ka yalang da yoh leh i klam na u L. Laloo uwa man u Working President ka NPYF, u Damechwa Dhar, President ka NPYF 1-Nartiang Constituency, u Homkom Khynriam, President ka NPP 1-Nartiang Constituency wei ya ki kyntien khublei da yoh na u Bantei Dkhar.

Ka yalehke ynne da man ko hapyrdi ka Khonsaro wa ka Tamu heiwa ka yalehke da kut ko dei yachut Tie Breaker hiewa ka Khonsaro da jop ko da 4-3.