Psiah Final ka Khimusniang, u yachem ka Ladthadlaboh wa ka Demthring yow yaknieh yei thaw wa khaddooh

Ka 17^th U Kiang Nangbah Memorial Trophy kawa man leh ka Super Division Football Tournament 2025 ka West Jaiñtia District Sports Association (WJDSA) da sdang ko ya ki yalehke Semi Final kiwa da pyndep ar tylli.

Ha ka Semi Final wa nyngkong kawa tip leh kam ka Qualifier, ka Khimusniang da jop ko ya ka Demthring da 2-1 yow psiah Final.

Ya ka Khimusiang da thap kool da u Risan Dkhar ha ka minit wa 55 wa u Reform Pale ha ka minit wa 90+1 katwa ya ka Demthring da thap da u Nikhil Dkhar ha ka minit wa 85.

Related posts

Da le tylli ki yalehke pteiñ ka Veterans Football Knockout Tournament ha Wahiajer

July 4, 2026

Da pyndep ya ki yalehke Final ka Subroto Cup 2026 ka West Jaiñtia Hills

July 3, 2026

Ha ka Semi Final wa ar wa tip kam ka Eliminator, ka Ladthadlaboh da jop ko ya ka Mooknor Thadmuthlong da 2-0 da ki kool wa thap u Promi Suting ha ka minit wa 30 wa u Siewdorlang Nongtri ha ka minit wa 78 iwa mut wa ka Mooknor da kut i lai luti ko.

Kamtæ ka Ladthadlaboh kattu u yachem ko wa ka Demthring ha ka 9 tarik heipor 1:00 waje i sngi heiwa ka liang wa jop daw yoh ko u psiah Final.