Shillong : U Chief Minister ka jylla u Dr. Mukul M Sangma ynne da wai u ya ka Pynursla Civil Sub Division ha U.U.P Sports Club Stadium, Pynursla hei emlang u P. Tynsong, uwa man leh u MLA ka thaiñ kamjooh u Montri ka tnat PHE, etc.
Hei klam ha ka yalang u Dr. Mukul M Sangma da e khublei u ya ki paidbah ka Pynursla heiwa da ong u wa i wai ya ka Civil Sub-Division, C&RD Block, ki Police Outpost pynyoo ko yei thrang ka sorkar u kreh yei angnood ki paidbah.
Da ong u leh wa ka sorkar em bynta ko ha ki program wa ki scheme waphær waphær ki wow wanrah yei roi i paar hapoh ka jylla. Da kyntu u leh ya ki paidbah wow man ki kiwa yakrehlang ha iwon iwon i bynta neibynta wow yoh yei roi i paar hapoh jylla.
Kiwi kiwi kiwa da klam ha kani ka sngi toh u Montri ka Home (Police), u H.D.R Lyngdoh, PHE, DCA etc. u P. Tynsong, u Deputy Commissioner, East Khasi Hills, P.S. Dkhar u General Secretary of Joint Action Committee for Demanding Pynursla Sub Division, u P.D. Rynjah.
Kani ka Pynursla Civil Sub Division em ko 171 tylli ki chnong hapoh yong ka wei ka Headquarter ko toh pyn ha Pynursla hi.
U Mukul leh da wai u ya u moonongrim ka Yung krehkaam ka Office, SDO (Civil) hapoh kani ka thaw.
Kiwi kiwa da em ha kani ka sngi toh u Montri ka C & RD, u S. Dhar, u Parliamentary Secretary, Mining & Geology etc. u Coming One Ymbon, u Parliamentary Secretary, Tourism etc. u Kennedy Khyriem, u MLA ka Sutnga-Saipung, u Hopeful Bamon, u MLA ka Sohra, u Titosstarwell Chyne, u MLA ka Chokpot u Bluebell R Sangma, u Chief Secretary ka jylla u K.S. Kropha, u Principal Secretary u MS Rao, u Principal Secretary, u R V Suchiang awa kiwi kiwi.
Discussion about this post