Ka ri Australia da leh ko yeiwa nyngkong dooh hapoh pyrthai heiwa da khang ko ya kiwa em hapoh 16 snem wow pynemkaam Social Media neidaw wa sñiawkhia yei chait i khiah kamjooh i bha i miat neibhah emkaam wow yada ya ki khynnah.
Kani ka aiñ thymme toh kawa sdang krehkaam nadooh ynne ka 10 tarik wei lada ki rynsan Social Media ym ye ki wow khang ya ki khynnah wa hapoh 16 snem kiwa pynemkaam ya kiwa boon ki rynsan, daw ngat hadooh $33 Million ka kuna.
Neiliang ki bei ki pa ki khynnah da yaroh ki yeini wa leh ka sorkar heiwa ka sorkar Australia da ong ko wa ki khynnah ym tip ki manda chah chim kabu ki wei em leh ki por kini ki rynsan Social Media pynyoo ki dei wym yahaap u yoo ki khynnah najrong wa em leh ki khynnah wa chah pynjaaw chah pyndik Online.
Yow pyntikna wa kiwa pynemkaam ya ka TikTok, Facebook, Instagram wa YouTube toh kiwa da heh rta, kini ki rynsan daw hap ki wow pynemkaam da ki Facial Recognition Technology wa ki ID wa da e ka sorkar yow pyntikna yei rta.
Kiwi ki ri kam ka Denmark, France, Greece, Romania wa Malaysia leh dang pait ki kammon u jia neini wa leh ka Australia neibhah ki leh em ki yei jooh i thmu.
Ki Streaming Platform kam ka Kick wa Twitch toh kiwa da Blacklist ka sorkar kamjooh ya ka Threads wa X. Kiwi de ki App wa ki Website kam ka Roblox, Pinterest wa WhatsApp toh kiwa lait neini i chah khang ha ka sorkar.
Neiliang ka Meta wa YouTube wa kiwi de ki Social Media da beiñ ki yeini wa leh ka sorkar deiwa ong wa ini ye ko wow yah ya ki khynnah cha kiwi ki thaw ha Internet i wym em man chngaaiñ ya ki.
Discussion about this post