Iwi i Video da poor bha i ha Social Media iwa pynyoo ya 3- 4 tylli ki khne wa uiñ ha ka palong uwa thiah hapoh ka ICU ka Jabalpur District Hospital wei ini da riñ da uwa ha-yung uwa thiah kjut.
Ha ini i Video da yoo wa uiñ ki khne ha kani ka palong wei ini da pynchrai i ya kiwa boon walang.
Neiliang u heh ka Samajwadi Party, u Ashih Mitra da beiñ u ya ka Health Department yeini i lehstiñ ki deiwa nujor ya ka sorkar wa u Kumbhkaran na ka Ramayana uwa man uwa yohthiah.
Ini i thaw sumaar toh i Victoria Hospital ha Jabalpur ka jylla Madhya Pradesh.
Chooh chooh da kdaw wa ini i mih i Video toh hadien wa yap i khonboo nei chah dait khne ha thaw sumaar ka jylla Madhya Pradesh.
Neiliang kiwa pynlai ya ka Hospital da ong ki wa neidaw wa dang tympra yei Hospital warim da psiah kiwa boon ki khne chapoh ka thaw sumaar wei neiliang ka chnat i chait i khiah chimkhia ko yeini.
Discussion about this post