Ka PM Surya Ghar Muft Bijli Yojana toh ka Scheme wa wanrah yei kylla ha ki manyung ka ri heiwa da em palat 7.7 lak tylli ki manyung ki wym emkaam de wow su bordiñ (Zero Electricity Bill) hadien wa pyndait ki ya ka Rooftop Solar System, da ong ka Ministry of New and Renewable Energy ynne.
Kani ka Scheme toh kawa da sdang ha u February 2024 wow wanrah ya ka bordiñ wa khooid cha ki manyung ka ri.
Hawa e jubab ha Rajya Sabha, u Union Minister of State for New and Renewable Energy, u Shripad Yesso Naik da ong u wa hadooh u December 9 tarik da em 19,45,758 tylli ki Rooftop Solar System ha waroh kawi ka ri.
“Kini ki Rooftop Solar System da pynmyntoi ki hadooh 24,35,196 tylli ki yung wei ka PM Surya Ghar Muft Bijli Yojana da mang ko wow booh ya kini ha palat chi klur yung kat hadooh u 2026-27 hei lut wa Rs.75,021 klur.
Ka Ministry da ong ko leh wa ka Gujarat toh kawa khlan bha wow pynemkaam ya kani ka Scheme deiwa pyndait 4.93 lak tylli ki Rooftop Solar Installation deiwa myntoi 7.10 lak tylli ki manyung.
Discussion about this post