Kam wow pteiñ ya ka hukum wa da pynmih ha ka Section 163 BNSS ha ka 01-04-2025, neiliang u District Magistrate ka West Jaiñtia Hills da pynkrehkaam biang u ya kani ka jooh ka hukum ka wow krehkaam chisiendon yow yada ya ka wah Myntdu deilang ki um wa kai cha ka.
Kani ka hukum da khang ko wow tih chyiap, u khloh moo ha tymbud ka wah Myntdu wa napoh ka wah. Da khang leh wow sait that, u sait kari, u noh yei jhep i jakhlia, i ktieh i khyndaw wa kiwi de kiwa mih nei chna sarok.
Ki tiar ki tar wa mih nei chna yung, nei tympra yung, kiwa tam nei chna sarok, ki mar wa pyut wa kiwi de deilang ki Diapers wa Sanitary Pads kiwa sahkut ha ka wah kamjooh kiwa pynthut ya ka wah man ki kiwa da khang wow noh chapoh ka wah Myntdu.
Chooh chooh da khang leh wow pyntaroi ya ki rood ka wah kamjooh ya ka wah da ki Plastic, ki jhep wa mih na ki yung ki sem, kiwa mih nei chna sarok wa kiwi de kam kini.
Kani ka hukum u krehkaam ko hadooh wa da pynbna kamwi.
Discussion about this post