U SP ka East Jaiñtia Hills District, u Vikash Kumar da pyntip u wa hadien wa kylli takit ya ki ar ngut kiwa da yoh kem chwa wa kyntup ya u Richard Suchen (31 snem) wa u Pynshaitbor Syih (45 snem) kiwa waroh ar na chnong ka Shymplong, da phla ki wa da em sa arngut kiwa emkti ha ini i kaam tympdung Bomb IED ha i thaw wa em kiwa kreh ka Dhar Construction Company hajan ka chnong Shymplong.
Uwi na ki toh u Smiki Tongper uwa na chnong Shymplong hi uwa man kam uwa pynchna ya u Bomb wei uwa lai tympdung deiwa booh ha kawi ka Truck kit um, wei hawa lai kynreh ki pulit yei yung wa sah u da chem ya kiwa boon ki sabut nadooh ki tiar chna Bomb deilang kawi ka suloi kawa chna hi.
U Smiki toh uwa da chah kem ha u snem 2023 heiyatoh wa kawi ka Case wa takit ka Khliehriat Women Police Station heiwa da chah pynngat u hapoh ka aiñ POCSO Act yeiwa chah pynbaad slaitbor u ya ka khynnah.
Sa uwi won uwa da phla ki ar ngut kiwa da chah kem wa emkti ha ini i kaam tympdung Bomb toh uwa tip kam u Issei Sungoh uwa na chnong Mynsoo, West Jaiñtia Hills District wei uni toh uwa dadep chah kem ha ki pulit ha u snem 2023 heiyatoh wa ki kaam dawa poisa.
Kamtæ neiliang u SP da kyntu u ya ki paidbah wa yoo wa tip chaphang kini wow pyntip ki cha ki pulit wei daw murieh yei pyrtuid ki.
Discussion about this post