Uwi u khynroo wa tip kam u Angel Chakma (24 snem) uwa na Tripura uwa lai puræ MBA ha Jigyasa University, Dehradun da yap noh u ha iwi i Hospital ha Dehradun hi ha ka 25 tarik hadien 16 sngi wa chah dung u neidaw wa pyrchah yei chah klambeiñ.
Neiliang ki pulit da kem ki ya ki san ngut heiyatoh wa ini, ya kiwa tip kam u Shaurya Rajput, u Avinash Negi, u Suraj Khawas, u Ayush Badoni, u Sumit katwa u Yash Awasthi uwa na Nepal da yut noh u cha katai ka ri.
Katkam ka ujor u Michel Chakma, u payu u Angel, ini da jia i heipor wa oo deilang u Angel dang lai yaaw ki ha ka 9 tarik ha Selakui, Dehradun wei katwa dang thied tiar ki, da em ki bru wa muaid wa da klambeiñ klam khlemakor ki ya ki deiwa khut ya ki Chinki, Chinese wa Momo.
Hadien wa pyrchah u Angel yeini, kini ki bru da dat da sai ki da ka tari wa ki naar rod wow dat ya u Angel heiwa da mynsoo u na khlieh wa na rdang.
Ya u Angel uwa da mynsoo joor da kit ya oo cha Hospital tangwa da yap noh u hadien 16 sngi, ha ka 25 tarik uni u bnai.
Ha ka ujor u Michel da ong u wa em u hei tieñ neibhah kini ki bru ye biang ki wow thombor ya oo.
Discussion about this post