Ka NPYF 1-Nartiang ha ka 30 tarik uni u bnai da pynman ko ya ka All Faith Meet Cum New Year Celebration deiwa khutlang ya waroh ki jait niam yow leh burom ya u snem warim kamjooh leh yow pdiang ya u snem thymme 2026.
Ya kani ka yalang da pynman ha Ummulong, Dongmihsngi deiwa emlang ki waheh na ki balang waphær waphær deilang ki niam nadooh ki Rev. Father, ki Pastor deilang wa u Pa Dolloi ka Elaka Nartiang, u Salong Lamare.
Neiliang u Rev. Father Aibor Denis Nongbah da yaroh u ya ki khynnah khynroo deiwa ong wa man ki kiwa yoo jngai hawa pynman ki kam kani ka yachemlang deiwa ong leh kamwa jia ha ki snem wa dadep heipor Lockdown da jooh khut u Montri Rangbah, u Conrad Sangma ya ka Inter Religion Dialogue kawa ya sariem kam kani hi ka yalang wei man ko kawa emkaam hadooh kattæ kattæ ha ka imlang ka sahlang deiwa burom kylliang i ya kiwi ki jait niam.
Da pynkut u deiwa e i sneiñ i kroo ya kiwa kitkaam ka NPYF 1-Nartiang deiwa ong da ki kyntein wa jooh ong da ka Mother Theresa, “We are not here to be successful, we are here to be faithful.”
Da yoh leh yei klam wa tbian na uwi u Pastor kam wow e mynsien ya ki khynroo deiwa pynkynmoo u ya i kyntien wa jooh ong “A service to man is a service to God”, wei yooluti u wa ka NPYF daw man ko ka nongmuna cha kiwi.
Khaddooh da yoh yei kyntien sneiñ na u Pa Dolloi uwa da ong wow pdiang burom ya u snem thymme dei akor wei burom, wym hoi u em i awri awra, wym hoi u adnood u bichni tangwa u ya krehlang phi dei maya.
Neiliang u President ka NPYF 1-Nartiang, u Damechwa Dhar da pynsñiaw u yei sñiawngooh ya waroh ki dkhot wei da e khublei snem thymme wa suk u ya waroh.
Discussion about this post