Ki ri ka pyrthai waroh yang ki wow pdiang warom ya u snem thymme namo ka New Year wei i lehkmen leh da man iwa da sdang ha kiwa boon ki thaw ha ki rukom waphær waphær.
Ki thaw wa nyngkong dooh wow pdiang ya u snem 2026 toh ka Kiritimati kawa tip leh kam ka Kiribati kamjooh ka Christmas Island.
Kani ka thaw toh ka dawlynnong (Island) wei man ko kam chibynta yong ka Republic of Kiribati ha ka duriawbah Pacific Ocean.
I kyntien Kirimati toh iwa chim nei ktien English yei kyntien “Christmas”.
Ka Kiritimati heh ko kamwa 312.38 sqkm wei em ko 232 km na u Equator wei man ko ka thaw wa jngai dooh ha u Time Zone (UTC+14) iwa pynman ya ki paidbah yong ka wa nyngkong ha ka pyrthai wow sakhi ya u snem thymme.
Chooh chooh jngai ko 2,460 km (1,530 mi) na mihsngi na u 180th Meridian, wei ka Republic of Kiribati em ko hawa sdang wot ka International Date Line.
Discussion about this post