Uwi u mahajon uwa man u Hindu uwa chah dat wei chah thang pynim ha ka 31 tarik u December ha ki damok, da yap noh u ynne i step heipor 7:20 ha Dhaka, Bangladesh.
Uni u mahajon wa 50 snem i rta da tip kam u Khokon Chandra Das, wei da chah dat chah thang u hajan ka Keurbhanga Bazar, Damudya hapoh Shariatpur District heipor wa liwan yung hadien wa khang u yei dukan.
Ini i yap u Das man iwa le ha ki ar tayaaw i chah thombor ki Hindu ha katai ka ri.
U Khokon Chandra Das toh u tre i dukan dawai wei dang liwan yung u da ka Autorickshaw heipor wa wan ki damok kiwa da sai oo napoh wei da dat da pam ki oo da ka wait chwa wow thæh ya oo dei Petrol heiwa da thang wot ki oo.
Kini ki damok da yut ki neini wei u Das hadien wa chah thang da noh u ha ka nan wa em harood sarok wei da sñiaw yeini da ki bru wa da wan yarap ya oo.
Ya u Das da kit chwa cha Shariatpur Sadar Hospital, neitæ won cha National Burn Institute ha Dhaka.
U Dr. Nazrul Islam, uwa em ha ka Emergency Department ka Shariatpur Sadar Hospital, da khana u wa u Das da mynsoo u boon thaw wei da chah dung u na kpoh, wei i khmat, u rdang wa ki kti u da iñ ki.
Puræ leh: Chah dung wei chah thang sa uwi u Hindu ha Bangladesh
Discussion about this post