Chah pyndam ka jamin ki 7 ngut deilang u waheh chnong heiyatoh wa i yap uwi nei chah dat

Ka yung bichaar District & Sessions Court, Khliehriat da pyndam ko ya ka jamin (Interim Bail) yong ki 7 ngut wa kynthup ya u waheh chnong ka Wahsarang kiwa da chah pynbaad wa emkti wow dat hadooh wa poi chei yap u Milas Khaii (41 snem) uwa da ieh chadien ya 11 ngut ki khon.

Yeini da pyntikna leh da u SP ka East Jaiñtia Hills wa da chah kyntait i yaleh jamin heiwa da phah ka yung bichaar wow kset ki da ka Judicial Custody wei daw neh ki kamni kat wym pu e jamin da ka yung bichaar wa toh u leh yeini.

Kiwa chah kem toh u Bhalang Lamo, u Pius Khaii, u Khmih Bareh, u Jali Lamo, u Sbunlang Lamo, u Sarat Lamo wa u Ngaitlang Lamo.

Related posts

Sepai ki 16 tylli ki Satellite wa mut ka Space Agency ka India wow lai booh cha haw-haw

January 12, 2026

Yap uwi hadien wa haap ka Truck na yingkieñ ha u NH-6

January 12, 2026

U SP da pyntip u wa dang thooh sa uwi uwa tip kam u u Precious Stone Lamo uwa dang yut hadooh kattæ.

Kam wow pynkynmoo wa u Milas Khaii wa u diah u, u Kamelus Khaii da chah dat ki ha ka miet ka 25 tarik ha yung wa sah ki deiwa yahkhmat u Pius Khaii wa u Jali Lamo heiwa da mih i yachoh yadat heiwa kini ki chi payu da chah dat ki da ka knor wa ki dieñ hadooh wa poi thaw sumaar ki.