Nyngkong dawa u Home Guard Rs. 1 lak na kiwa na Assam | Da kem wei da rah oo hakhmat ka High Court: SP

U SP ka East Khasi Hills, u Vivek Syiem da pynche u heiyatoh wa i poor iwi i Video wa da pynbaad ya ki pulit ka Shillong Police wa em uwi uwa maham, wa klamsih klamsang wei dawa poisa Rs. 15,000 kam ka kuna na ki bru wa em hapoh kawi ka kari wei neiliang ki pulit dadep ki wow pynman ya ka takit ynne heiwa da chem wa uni u bru wa chah pynbaad toh uwa tip kam u Reganson Kharlor (35 snem) uwa man kam u Home Guard Volunteer uwa kreh wa ka Madanrting Traffic Branch wei uwa leh ya ka Clamping Duty heipor wa jia.

Da pyntip leh wa ini toh iwa da jia ha ka 26 tarik u December 2025 heipor kamwa 9:35 i step heiwa da wan kawi ka kari Maruti Suzuki 800 (rong lieh) kawa em Number AS-01F-1460 kawa lai cheiliang Happy Valley wei da lai ko najan u Home Guard Volunteer hajan Sawlad deiwa jan tyrrah oo.

Kamtæ nyngkong da kdong u ya kani ka kari dei kjat wei hadien won da ku u ha kawi ka Scooty yong u bru wa lai luti wei da chem won ya kani ka kari manda poi ha Happy Valley Bazar heiwa da psiah u hapoh kani ka kari Maruti 800 deiwa maham ya kiwa em hapoh kiwa na Cachar District ka Assam kiwa da wan cha Shillong heipor Christmas wei da dawa u na ki Rs. 1,00,000.

Kini kiwa em hapoh da kyrpaad kyrpon ki ya uni u Home Guard wei da lai yah u ki cha Madanrting Taxi Stand heiwa da sai ki Rs. 15,000 kam ka kuna na kawi ka kor ATM.

Related posts

Lyngkdang kylla ka kari wa pynhær bha kawa lai na rood ki khynnah wa lai leh niam

January 13, 2026

Pynbna u Trump da ka dan wa 25% pyrchah ya kiwa khayi wa ka Iran

January 13, 2026

U SP da ong u wa ini wa leh uni u Home Guard man ko pyrchah ya ka aiñ wow dawa poisa kamni na ki ar ngut wa em hapoh kari wei ym em pyntip u cha u Traffic In-Charge heiyatoh wa ini wa jia.

Heiyatoh wa ini, ki pulit da leh ki da ka Suo-Moto Case kawa da Register ha Madanrting Police Station deiwa pynngat hapoh ka Section 308(5)/351(2)/352 ka BNS wei da kem leh ya uni u Home Guard Volunteer wei da pyndam oo na waroh ki Duty wei da lai rah oo leh hakhmat ka High Court.

Chooh chooh da pyntip leh wa kitu kiwa chah dawa poisa da phah ya ki wow wan ki hakhmat ki pulit yow khana ki yeiwa jia wei da pait leh ya ki CCTV wa em ha kani ka thaw yow tip kammon jia sakhiat.

U SP da ban joor u wa kam kini ki jait kaam wow dawa poisa, u pynemkaam bakla yei bor toh i wym e laad.