Ka sorkar USA u Donald Trump da rai ko wow sangeh wow e Visa ya ki 75 tylli ki ri wa kynthup ya ka Pakistan wa Bangladesh nadooh 21 tarik uni u January katkam ka hukum ka US State Department.
Kini ki ri kynthup ki ya ka Bangladesh, Afghanistan, Somalia, Russia, Iran, Afghanistan, Brazil, Nigeria, Thailand, Iraq, Egypt, Yemen wa kiwi.
Ini i sangeh toh wow pynjanai ya i sylli bniah (Screening) chwa wow e ya ki Visa cha ki bru na kini ki ri.
I sangeh ka USA wow e Visa da chah beiñ bha i ha ki bru na ki ri wa chah ktah neibhah wa ktah i yei man i long hapyrdi ki ri wa kamjooh i yatoh lok yong ki wa ka USA khamtam hei khayi pateiñ.
Chooh chooh ini i leh ka USA toh wow pynkhlan ya ki kyndon wow khoom u kdoh yei wan psiah ki bru na baar ka USA katkam ka thong yong u President Donald Trump.
U Spokesperson ka State Department, u Tommy Piggott da ong u wa emkaam wow kyntait u e Visa ya ki bru wa wan psiah wei da phah wow sylli bniah ya ki kot ki sla ki bru nadooh i pliah wow klam English, i yoh i laa, i chait i khiah, i rta wa kiwi.
Waroh ki ri wa da sangeh wow e Visa: Afghanistan, Albania, Algeria, Antigua and Barbuda, Armenia, Azerbaijan, Bahamas, Bangladesh, Barbados, Belarus, Belize, Bhutan, Bosnia, Brazil, Burma, Cambodia, Cameroon, Cape Verde, Colombia, Cote d’Ivoire, Cuba, Democratic Republic of the Congo, Dominica, Egypt, Eritrea, Ethiopia, Fiji, Gambia, Georgia, Ghana, Grenada, Guatemala, Guinea, Haiti, Iran, Iraq, Jamaica, Jordan, Kazakhstan, Kosovo, Kuwait, Kyrgyzstan, Laos, Lebanon, Liberia, Libya, Macedonia, Moldova, Mongolia, Montenegro, Morocco, Nepal, Nicaragua, Nigeria, Pakistan, Republic of the Congo, Russia, Rwanda, Saint Kitts and Nevis, Saint Lucia, Saint Vincent and the Grenadines, Senegal, Sierra Leone, Somalia, South Sudan, Sudan, Syria, Tanzania, Thailand, Togo, Tunisia, Uganda, Uruguay, Uzbekistan wa Yemen.
Discussion about this post