5 snem phah kset ka yung bichaar ya uwa sikai skur uwa tba khlem akor ya u khynnah heipor wa lai Tuition

Ka yung bichaar ka B. Khriam, Special Judge (POCSO), East Jaiñtia Hills District da phah kset ko deiwa pynchitom joor bha 5 snem wei wow su ka kuna kawa Rs. 10,000 ya u Apurba Das hapoh ka kyndon Secion 10 ka aiñ POCSO Act wa 3 snem hapoh ka Section 8 ka aiñ POCSO Act deilang ka kuna wa Rs. 5,000 wei i phah kset toh deiwa kheiñlang heijooh i por iwa mut wa 5 snem waroh wei i chong patok man ko 4 snem 8 bnai neidaw wa dadep u wow chah kset ar bnai.

Ya ini wa jia da takit da ka SI. O. Nongtdu ka Khliehriat Women Police Station wei da Charge Sheet ha ka 15-02-23.

Ya ka FIR da yoh ha ka 22-12-22 pyrchah ya u Apurba Das uwa man uwa sikai ha kawi ka skur ka karkhana deiwa pynbaad wa da tba khlem akor u ya u khynnah wa dang 14 snem.

Ini da jia i ha ka 21-12-22 heipor wa uni u khynnah dang lai Tuition u ha thaw sah u Apurba wei heipor wa poi u khynnah, u Apurba dang sum u heipor 5:15 PM tangwa da ong u ya oo wow psiah u chapoh neidaw wym em da khang bha ya ka dwar wei hadien wa mih na thaw sum da pait u leh ya i Homework uni u khynnah deiwa pynyoo leh yeiwa bakla u.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Hadien ini da phah u ya uni u khynnah wow khem khlieh u wei ha ini i por da looid u ya ka sula poh u wei da phah u leh wow khem doh wei da yaklam u leh chaphang i chaad ha ka skur (Annual School Dance) heiwa uni u khynnah da ong u wym tip u wow chaad, kamtæ u Apurba da pynyoo u kammon wow chaad deiwa ksoh ha tre tympong wa i doh i phaad uni u khynnah.

Hadien ini da thiah u ha palong wei da phah u ya uni u khynnah wow chong hajrong i bynta chynrang u wei da phah won u leh wow khem yei rupai u wei da phah won u ya uni u khynnah wow thiah hajrong yong oo heiwa da kdung u ya uni u khynnah wei da tymmoh u ya uni u khynnah da ka kymmor deiwa kyrriah won oo yow thiah ki mar dei chrooh heiwa da tba u yei bynta chynrang uni u khynnah heiwa da pyrchang u leh wow thap yei kti hapoh patlun uni u khynnah deiwa phah leh wow wow tba yei bynta chynrang u Apurbha, heiwa ha ini i por uni u khynnah da khai u na palong deiwa ong wa hap lai liwan yung u neibhah ka diah u em ko samen ha yung. Heiwa uni uwa sikai skur da ong u leh wow wan yah Tuition sa ya ka diah u.

Hadien wa pyntip u khynnah cha ka bei u yeini wa jia, da lai pyntip ko cha ki bor pynlai ka skur kiwa da phah wan ya u Apurba uwa da phla wa leh u yeini wei da paan maap u leh, kamtæ da lai booh ko ya ka FIR.