Ynne ka sngi da pynman ya ka yalehke kam chibynta yong ka lympung 4th T20 Cricket Knock Out Tournament wa pynlai da ka Sports Social and Cultural Club, Ummulong heiwa ka Dame XI CC da jop ko yaka Loomsoiung da 61 Run.
Ya ka kylla-khlem da jop da ka Dame XI wei da jied ko wow Bat nyngkong heiwa da ye ko u kamai 201/5. Uwa kamai Run boon dooh toh u Ceferson Lawai uwa da yoh u 68 Run wa u Pynshai Nongpluh uwa da yoh 35 Run.
Neiliang kiwa kawang bol ka Loomsoiung CC, u Chongtre I Man da yoh u 2 Wicket.
Hawa kdong yaka thong, ka Loomsoiung CC da poi ko du 140 Run na ki 17.3 Over dei wa haap lut waroh ki Wicket, heiwa uwa kamai Run boon dooh toh u Rangkynsai Phawa (47 Run), katwa na kiwa kawang bol ka Dame XI, u Resting Sari da yoh u 4 Wicket.
Ya i naam Man of the Match ha kani ka yalehke da yoh u Resting Sari.
Discussion about this post