U e laad biang ka sorkar ya kitu ki wym ye u pyndep ya ka SSLC

Kam chibynta wow e laad ya kitu ki wym ye u pyndep ya ka Matric Exam (SSLC) wa da pynman da ka MBOSE neidaw wa sahkut (Fail) næ wa dam u lai skur (Dropout) hadien ka Class-8 na ki daw wa boon, kamtæ ynne ha ka yachemlang ki Montri sorkar da mynjur ko wow pynskuk yeini neibynta kiwa thrang wow pyndep ya ka Class-10 kam wow pynchlur ki yow wan biang ki cha ka puræ puthi neibynta ka mynried wa bha wa miat yong ki.

Katkam wa man kattæ kiwa yaleh ya ka SSLC toh du lyngba ki Regular School kiwa da em pyrtuid nadooh ka Class-IX wa Class-X ha ki skur wa em yei tipmit wei ya kitu kiwa Dropout wa kiwa Fail kamjooh kitu kiwa em ha ki kaam Sports, Arts wa kiwi de ki wym em hikai hapoh ki skur yow ye ki wow yoh ya ka SSLC Certificate.

Ka sorkar da ong ko wa ha ki 10 snem wa da lai, da em 8,33,838 ngut kiwa lai puræ kiwa da dam noh u lai skur na kiwa boon ki daw nadooh ki kaam poisa poilaiñ, i chait i khiah wa kiwi de wei manda ym em ka SSLC Certificate da ktah ko leh ya ki hawa yaleh kreh wa kiwi de.

Deiwa mynjur ya iwa thymme daw booh ki kyndon wa che kammon wow ye u yaleh biang ya ka SSLC kam ki Private Candidate deiwa ye ki u pynhun ya ki kyndon wei deiwa mynjur ka Board.

Related posts

Bichaar hi lada pynlut phut næ kreh yei kaam: Conrad

January 16, 2026

Jop ka Kur Suchen ya ka Aizawl ha ka sngi sdang ka MLA Cup ha Assam

January 16, 2026

Chooh chooh da ong wa ha ki 10 snem wa da lai, da em palat 2 lak ngut ki khynnah ki wym ye u pyndep ya ka SSLC Exam hanla da pyrchang boon sien katkam wa chah, wei deiwa em kani kawa thymme, daw chah wow yaleh biang ki sa chisien.