Jowai : Ka Sub-Divisional Officer (Supply) Amlarem Sub-Division, da pyntip ko wa daw pyllait ya u khoo AAY, NFSA (PHH) wa u Non-NFSA neibynta u Thohlakhmi (February) 2017 ha ka 23 wa 24 tarik.
Ka Quota Mid-Day Meal yong u Naichiphaw (October) wa u Khonchonglad (November) 2016 ya ki L.P. School wei yong u Naichiphaw, Khonchonglad wa u Kmaichonglad (December) 2016 ya ki U.P. School leh daw pyllait noh.
Da pyntip leh wa i phniang charak (S.K Oil) yong u Thohlakhmi 2017 daw pyllait cha ki S.K. Oil Dealer ha ka 27 wa 28 uni u bnai wei i dor wow dai ymtoh u palat i ya T. 28 chi litre.
U khoo AAY daw pyllait 35 kg chi yung hei dor wa T. 3 chi kilo. U khoo NFSA (PHH) daw pyllait 5 kilo samen heidor T. 3 chi kilo katwa u khoo Non-NFSA daw pyllait ka sorkar katkam wa da booh hei dor wym palat ya T. 13 chi kilo.
Da kyntu ya ki paidbah wow lai thooh ki ya ka bhah yong ki na ki Fair Price Shop Centre wa em hapoh ki chnong yong ki wei lada em iwon iwon i ujor ye u leh ha Office ka Sub-Divisional Officer (Supply) Amlarem Sub-Division, Amlarem deiwa ong ya i pyrtuid wa i chnong yong ki yow ye u leh yeiwa emkaam.
Discussion about this post