Yap uwi u dkhot ka GNLA

Shillong : Uwi u dkhot ka seiñ GNLA da chah siat yap u ynnin ka 20 tarik ha ki pulit ha ka chnong Riangdim, West Khasi Hills.

Da ong wa hadien wa yoh yutip wa em u dkhot GNLA uwa saam chithi dawa poisa u ha chnong Riangdim, ki pulit da hiar ki bran bran cha kani ka thaw wei manda poi ha yaaw heipor kamwa 7:30 i miet da yasiat hapyrdi uni u dkhot wa ki pulit heiwa da chah siat yap u.

Na uni u dkhot da yoh ya ka suloi .22, 70 tylli ki kuli AK 47, kawi ka 7.65 pistol, ar tylli ki magazine 7.65, 3 tylli ki pistol magazine, 5 tylli ki kuli .22, 5 kuli ka pistol 7.65, 2 tylli ki mobile, ki kot wa kiwi kiwi.

Na uni uwa yap da yoh ya ka jacket chipai, chirup wa ka ID ka GNLA wa em yei pyrtuid u Walamdaria M Sangma, Army No. 797.