Napoh Meeting yut u President ka JHTOA | Hapoh ka 3 tarik e por khut yalang biang lym kamtæ daw tyngkheiñ noh oo

Ha ka yalang General Meeting yong ka seiñ ki tre Truck wa haap hapoh ka chatri yong ka Jaiñtia Hills Truck Owner Association (JHTOA) wa da khut pynman da u President ka seiñ, u Biangshwa Shylla ha Takhñiang, Tuber Kmaishnong, East Jaiñtia Hills District, da mih i awri awra heiwa da pynbaad wa u President ym em e laad u ya ki paidbah u klam ki heiyatoh wa ki kaam ka Association, wei da pynsñiaw bait u wym chah ya ki tre Truck u klam ki.

Hajrong ini i awri awra, u Balen Thubru uwi na ki tre Truck wa em ha kani ka Meeting khana u hawa ki paidbah da pynsñiaw ki yei pyrchah hajrong i leh yong u President wym yoh laad ki u yaklam heiwa da mih leh ka sur wow dawa pynthymme ya kiwa kitkaam kamtæ da yut noh u khlem pynlai de ya ka yalang næ pynkut noh ka.

ADVERTISEMENT

Neitæ hadien wa da yut u President da yachong pyrkhat ki para tre Truck wei da chim ki ya ka rai wa lada ym khut yalang biang u hapoh ka 3 tarik u bnai wow wan, ym yohsa i wow lum yalang para ki hi neibynta u ya pyrkhat kayi ka rai wa toh u leh lada toh wot u tyngkheiñ President ya oo.

“Hei sakhiat nadooh wa jied i ya oo kam u President waroh ki tre Truck wa em hapoh kani ka seiñ da dep Register lut ki waroh, oo won chna aiñ pynmih kyndon u wot hawa tang ya oo samen ym pu em dep pynthymme u hawa da kut i por, wei da phah pathan u ya ki bru wa lada ym wan Renew ki ya ki kari yong ki hapoh ki 2-3 sngi kamwa da booh u ini wa dep u pyndam u ya ki nei man dkhot,” da ong u Balen Thubru.

Related posts

Da sdang ya ka East Jaintia Hills Tourist Taxi Driver and Owner Association kawa kamai kari cha Guwahati wa kiwi de ki thaw cha baar

October 23, 2026

Da ka Traditional Horse Racing Competition wa Horse Show Competition pynman ka West Khasi Hills

October 23, 2026