Mih ka Poster wa maham ka ISIS-K ya ki Garo deiwa phah ya ki wow yut chnong

Ha iwi i jia wa pynkhyrngiat ya kiwa boon, da mih ka Poster wa maham ka seiñ kieñ suloi ISIS-K ha New Tura Matchakolgre Field, Tura, West Garo Hills, Meghalaya.

I Video wa i dur yong ka Poster da poor bha i ha Social Media heiwa ha kani ka Poster da thoh “Warning to Garos” namo i maham ya ki Garo.

Ha kani ka Poster da ong wa ini i maham toh ya ki Garo wa em ha West Garo Hills wa ki Plain Belt Area ka Phulbari, Rajabala, Tikrikilla, Selsella, Garobadha wa Tura deiwa kdaw wa kini ymtoh de ki thaw yong ki Garo wei hap ki wow mih noh chwa u 2027 lada kheiñkor ki yei mynsien ki.

Ha kani ka Poster da em i pyrtuid u Aminur Islam uwa man kam u Plain Belt Area Commander ka ISIS-K.

Related posts

Beiñ joor u Marcuise yei biah Poster yow pyntieñ ya ki paidbah ka Garo Hills

January 28, 2026

Ye u man wa em kiwa kwah u chim kabu yow pynthut yei chongsuk, ki paidbah ymtoh u tieñ ki: SP

January 28, 2026

Mar ya tip yeini ki pulit da hiar ki wut-wut cha i thaw wow looid ya kani ka Poster wa biah ha u chrot bordiñ wei da Register leh ya ka Case ha Araimile Police Station wei i takit dang lai i chaphrang.

Ki pulit da ong ki wa i thaw wa biah ya ka Poster toh i wym em CCTV wei ym em u che i hei miet neidaw wym em Streetlight kamtæ man iwa eh wow tip ya kiwa leh yeini.