I noh jhep cha rood sarok ha ki thaw wa em ka chnong Jowai wa cha rood chnong dang pteiñ hi i hadooh kini ki sngi nadooh wa dooh yei thaw noh jhep neibynta ka chnong.
Kawi na ki bynta wa rap boon kiwa lai noh yei jhep toh ha u sarok wa lai cha Treiongriang uwa man leh u sarok wa em pynhajan ka wah Myntdu.
Kini ki jhep da yoo toh kiwa mih na ki yung ki sem nadooh ki yusong baam, pyllieñ, ki Chips wa kiwi de.
Ini i jhep iwa boon da neh ha sarok wei em leh kiwa da neh cha wah u sarok wot hadien wa u DC da khang u wow noh jhep ha ki bynta wa ye u kooid cha ka wah Myntdu.
Ini da man i leh i sarom hawa boon kiwa uiñke suwari pynemkaam ki ya uni u sarok yow lai cha ka thaaiñ War Jaiñtia.
Ha iwi won i liang, ki bru wa lai luti najan ka Yaaw Chyiap heipor miet da ood ki leh yei sma wa mih nei jhep wa wan noh ki bru ha kani ka yaaw khamtam heipor wa wan kit yeini i jhep.
Kiwa sah chajan leh da ood bha ki neibhah i sma toh i wym neh chah de.
Kam wow pynkynmoo wa nadooh wa sdang u snem 2022 hadien wa da mih i pyrchah wow noh jhep ha i thaw wa em harood ka wah Mynkjai hadooh kattæ ym pu em pynbna paidbah wa da yoh yei thaw noh jhep wa pura.
Discussion about this post