Ka HITO Jowai Circle ynne ka sngi heipor 11:30 hadien wa yoh khubor ko na kiwa chongdai ha Iawmusiang, Jowai wa em ki kynthai wa tyrwa tiar, tangwa ym nood ki u ksoh ya ki neibhah wa boon ngut na ki toh du ki kynthai.
Kamtæ neiliang ka seiñ da lai ko wut-wut wow kem ya kitai ki poiwiar deiwa pyntip cha ki pulit ka chnat Infiltration.
Ka seiñ da ong ko wa kitai ki bru toh kiwa wan na Assam wei ym em kot em sla ki nadooh ki Trading Licence wa kiwi tawon ki kot kiwa ye u pyntikna wow wan khih wan kreh ki cheini chapoh ka jylla.
U President ka seiñ, u Deibormi Siangbood da ong u wa ini i wan ki baar jylla wow kamai chapoh ka jylla booh ko hei maa ya ka jaitbru yong i wei suki suki daw ye ki u mantre deiwa laipoh ya ki bru Pnar yong i.
Da ong u leh wa i wan dai jemdor ya ki tiar cheini khlem tikna kiwa neiwon wei kammon kini ki jait tiar.
Chooh chooh da ong u wa ka seiñ ym chong klikti ko wow pait yei wan kam kini ki bru wa chim kabu khlem ki kot ki sla wa biang.
Discussion about this post