U Sports Minister, u Wailadmiki Shylla da ong u wa ka sorkar da pynlait ko Rs. 36 klur ha ka bynta wa nyngkong neibynta wow pynkhreh ya ka National Games ha u 2027 deiwa ong wa ka jylla daw chimbynta ko ha waroh ki 39 tylli ki jait yalehke.
Da ong u wa dadep soi ya ka soskular wow pynman ya kani ka lympung hapoh jylla wei ka sorkar leh da pynlait ko Rs. 36 klur neibynta kiwa yalehke, wei ki Association leh da pynemkaam ki ya ka poisa wow wanrah ya ki tiar kamjooh ki Coach.
Chooh chooh da ong u wa lada ki Association dang emkaam poisa ki, ka sorkar leh daw yarap ko ya ki.
Da kyrmen u leh wa ki Association u kreh chitom ki khnang wow ye u wanrah takma ha waroh ki jait yalehke.
U Wailadmiki da ong u wa daw pyndep yei pynkhreh hapoh i por chwa wow sdang ka National Games.
Discussion about this post