U Mayalang Pakem uwa man u khon u Plan Lyngdoh wa ka Stillda Pakem wa chong wa sah ha Mynthong, Jowai da yoh u wow khur 3 tylli ki takma ksiar haka lympung yakob pynyoo heh dohksah wa tip kam ka Mr. & Ms East India (Zonal Bodybuilding & Model Championship) wa da pynman ha Rukmini Nagar Auditorium, Guwahati, Assam haka 31 tarik u January, 2026 heiwa da yoh u ya ka kyrdan wa nyngkong.
Neitæ da yoh biang u ya ka takma ksiar ha ka yakob Mr & Ms India Natural 2025-2026 wei kamjooh leh da yoh u yei naam ‘Men’s Physique’ ha ka kyrdan wa nyngkong wa da pynman haka 31 tarik u January hadooh ka 1 tarik u February, 2026 kawa da pynman ha i jooh i thaw.
Ya ka Mr & Ms East India 2026 Zonal Body Building & Model Championship da pynman da ka WFF India kawa da tipmit da ka WFF International, katwa ya ka Mr & Ms India Natural 2025-2026 kawa tip leh kam ka Biggest Natural (Anti-Drug) Bodybuilding and Fitness Championship Federation of India & South East Asia toh kawa da tipmit da ka NITI Aayog ka sorkar pyrdi.
Discussion about this post