Phylla ka HC wa laitlan i tih mooyong pyrchah aiñ | Daw hap kitkhlieh da ki wym leh yei kaamram

Hadien wa phah hajir ka Meghalaya High Court ya u DC ka East Jaiñtia Hills District, u Manish Kumar deilang wa u SP, u Vikash Kumar ynnin ka sngi heiyatoh wa iwa jia pdung ha krem mooyong ha Thangskoo.

Da booh ya ka Status Report hakhmat ka yung bichaar chaphang iyi wa da leh hadien wa pdung heiwa da kdaw leh yei duna ki pulit tangwa da yoh wow kem ya ar ngut ki bru heiyatoh wa ini wa pdung wei da Register leh ya ka Case.

Ka yung bichaar ym em pynmih ko ya kawon kawon ka hukum tangwa da phah wow e ya ka Report wa bniah hapoh 10 sngi yow khana iyi wa da leh hapoh waroh kawi ka District pyrchah yei tih mooyong pyrchah aiñ, nadooh kiwa chah kem khamtam ha thaaiñ Mynsngat-Thangskoo.

Da pyntip wa u Justice B.P. Katakey leh da lai u cha kani ka thaw ha Mynsngat-Thangskoo heiwa da chem wa i tih mooyong pyrchah aiñ toh iwa da boon bha ha ki chnong wa em chajan kam ka Mopala wa Sakhain deilang kiwi de ki wei da yoo lakam wa leh yeini deiwa yoh laitlan khlem da tieñ de ya ka hukum wa pynmih da ka yung bichaar.

Related posts

Ym e NOC ka Kur Suchiang ya kiwa e jait cha u pa  

February 10, 2026

Ujor FIR ka Assam Congress pyrchah yei Video wa chna ka BJP Assam

February 10, 2026

Ka High Court da ong ko wa ini wym em leh yei kaamram da ki bru wa toh u leh, man i iwa sñiawkhia bha wei daw pyntikna wa daw em wa kitkhlieh.

Chooh chooh da ong wa lada emkaam daw pynmih hukum yow pynman da ka takit wa lait looid lane da ka Central Agency.