Inter-Office: Jop ka Health Department Jaintia Hills ya ka Forest Wildlife Jaintia Hills

Ynne ka sngi da sdang ya ka Inter Office T20 Cricket Tournament wa da pynlai da ka Meghalaya State Government Employees Federation, Jaintia Hills District Unit, Jowai, ha madan Jrisaleiñ, Chutwakhu, Jowai.

Ya ka kani ka Tournament da wan wai da u Deputy Commissioner ka West Jaiñtia Hills District, u A.K. Singh kam u kongsan, hei emlang u K. Passah, DSO West Jaintia Hills, Jowai kam u symbood kongsan.

Ha ka yalehke ynne, ka Health Department Jaintia Hills da jop ko ya ka Forest Wildlife Jaintia Hills da 84 Run.

Ya ka kylla-khlem da jop da ka Health Department wei da jied ko wow kamai Run chwa heiwa da ye ko u kamai 143/10 na ki 16.3 Over, wei kiwa kamai Run boon dooh toh u Dr.  E. Dann uwa dat 46 Run wa u Allan Pohrmen uwa yoh 26 Run.

Related posts

Jop ka Rymbai Wahchnong ha ka 1st Division, ka Chiehruphi ha ka Super Division

October 3, 2026

2nd Division TSA: Psiah Quarter ka Lumkynsaw wa ka Thadmusem

October 3, 2026

Neiliang kiwa kawang bol ka Forest Wildlife, u Ewansa Laloo da yoh u 5 Wicket katwa u John Lyngdoh da yoh u 2 Wicket.

Hawa kdong ya ka thong, ka Forest Wildlife da ye ko kamai du 59 Run donhi na ki 14 Over deiwa kamai boon dooh u John Lyngdoh uwa yoh 11 Run, katwa na kiwa kawang bol ka Health, u Dr. E. Dann wa u Allan Pohrmen da yoh ki mar 3 Wicket.

Ka yakhun mynstep ka 12 tarik u man ko hapyrdi ka Asstt. Registrar of Co-op. Societies, Jowai pyrchah ya ka Animal Husbandry Veterinary Department, Jowai heipor 1:00 waje i sngi.

Kiwi de ki yalehke wa daw pynman kam chibynta kani ka Inter-Office Sports Event toh ka Football, Badminton wa Carromboard.