Ka Lion Sports and Youth Affairs, Mission Compound, Jowai ynne ka sngi da pynkut ko ya ka 3rd T10 Cricket Tournament 2026 da ka yakhun Final hapyrdi ka Rising Star pyrchah ya ka Rising Lion, deiwa da wan sakhilang da u Eddystone Shylla, President ka WJHDCA uwa man leh kam u Treasurer ka MCA kam u kongsan deiwa emlang ki EC Member yong ka dorbar chnong wa kiwa chah khut sñiawbha.
Yei naam Champion da yoh ka Rising Star deilang ka song poisa wa ₹20,000 katwa ka Rising Lion kam ka Runner Up da yoh ko ya ka song poisa wa ₹10,000.
Ya ka kylla-khlem da jop da ka Rising Star wei da jied ko wow Bat nyngkong heiwa da ye ko wow booh thong 145 Run. U Wellmanson Passah da lehbha u deiwa kamai u 79 Run deilang wa u Deibormi Rangad uwa da yoh 22 Run. Neiliang kiwa kawang bol, u Mai Kyndiah da yoh u 3 Wicket katwa u Kyntu Laloo da yoh u 2 Wicket.
Hawa kdong ya kani ka thong, ka Rising Lion da ye ko u kamai du 15 Run deiwa dooh lut ya waroh ki Wicket. U Wellmanson Passah da yoh u 3 Wicket wa u Heimonlangi Lyngdoh won 2 Wicket.
Yei naam Man of the Match da yoh u Wellmanson Passah katwa yei naam Man of the Tournament da yoh da u Heimonlangi Lyngdoh.
Discussion about this post