U MLA ka UDP, u Paul Lyngdoh ynne da wanrah u ya ka phang yaklam wow pynman ya ka thaaiñ sor Shillong kam ka District deiwa pynchong yurim ya i heh, i boon bru wow pynsuk yei synchaar deiwa e nongmuna ya ka Guwahati, Mumbai, Kolkata wa kiwi.
Heiyatoh wa ini, u Chief Minister, u Conrad Sangma da pynche u wa yow pynman ya i thaw kam ka District næ Sub-Division emkaam wow bichaar yei heh i thaw, i jngai na ki thaw puræ wa thaw sumaar, i khayi pateiñ, i suk ki paidbah, ki luti syngkieñ kamjooh i em ka poisa.
Da kular u wa daw bichaar ya i tyrwa wow pynman ya ka thaaiñ Shillong (Agglomerate) na ka East Khasi Hills wow man ko kam ka District wa pura deiwa pynchong yurim ha kiwa boon bynta.
Da khana u wa nyngkong emkaam ya ka Committee wow khlieh da u Chief Secretary, chirup wa ki dkhot na ka chnat Home, Planning, Finance, Community and Rural Development, Personnel, Divisional Commissioners wa kiwi ki chnat.
Da e khublei u leh ya u Paul Lyngdoh wa wanrah u ya kani ka phang yaklam wa emkaam heiwa da kdaw u wa katkam ka Master Plan da pynyoo ko wa ka Shillong da krai ko palat u pood ka Municipal cha kiwi ki thaw wa ki chnong.
Da kdaw u wa i boon bru na ka 3,54,759 ngut ha u 2011 daw ku i cha ka 4,47,221 ngut ha u 2041, kamtæ emkaam u pyrkhat yeini.
U Conrad da ong u leh wa ka Shillong phær ko na kiwi neibhah wa em ko ka KHADC, Syiem, Dorbar Chnong wa kiwi.
Discussion about this post