U heh warim ka Congress ha Assam, u Bhupen Borah uwa da mih noh u na ka Party ha ka 16 tarik u February, u psiah noh u cha ka Bharatiya Janata Party (BJP) ha ka 22 tarik u February.
Yeini da pyntip da u Chief Minister ka Assam, u Himanta Biswa Sarma, heiwa da pyntip u leh wa daw em ki heh wa kiwa kreh ka Assam Pradesh Congress Committee (APCC) ki wow psiah noh cha ka BJP deilang wa u Borah.
Chooh chooh da ong u wa u President ka Party, u Dilip Saikia daw rai u ya ka tarik wow psiah ki.
U Himanta da ong u leh wa daw em chiboon ki dkhot ka Congress na Lakhimpur District ki wow psiah cha ka BJP.
U Borah da mih u na ka seiñ na ki daw wa boon weiwa tlot ka Party. U Rahul Gandhi leh da kyrpaad u ya u Borah wym toh u mih na ka Congress.
U Borah da jooh man u kam u President ka Assam Pradesh Congress Committee nadooh u 2021 hadooh u 2024 wei da jooh man u kam u MLA ka Bihpuria ha u 2006 hadooh u 2016.
Discussion about this post