Ka skurbah Galgotias University na ka jylla Uttar Pradesh da chah beh ko na ka AI Summit Expo wa man ha nongbah New Delhi hadien wa mih i artatien ya u ksaw Robot wa pynyoo ko ha kani ka Expo.
Uni u Robot toh u Unitree Go2, u Robot wa chna da ka karkhana na China wa tip kam ka Unitree Robotics wei ya uni u ksaw da dai Online ha India hei dor wa Rs. 2-3 lak.
Kani ka skurbah da pynyoorong ko ya u Robot ksaw wa pyrtuid u “Orion” ha ka Expo, deiwa kam wa da chna ya oo hapoh ka Centre of Excellence ka skurbah.
Hadien ini da mih i Video ha Social Media wa da kdaw wa uni u Robot toh uwa chna na China wei ymtoh na kani ka skurbah.
Ha ki Video wa da poor da kam wa uni u ksaw toh wa da pynwandur wei chna da ka skurbah yeiwa da chah beiñ ko ha kiwa boon.
Neiliang ka Galgotias University da pynche ko wa uni u Robot toh uwa chna ka Unitree wei da pynemkaam wow hikai ya ki khynnah donhi.
Da pynche ko leh wa ym em chna ko ya uni u Robot wei ym em kam ko wa chna ko ya ko tangwa da pynemkaam wow hikai ya ki khynnah ha ka AI Programming wa ka Applied Robotics.
Kani ka India AI Impact Expo 2026, toh wa wan wai da u Prime Minister Narendra Modi ka Bharat Mandapam, New Delhi ha ka 16 tarik uni u bnai.
Kani ka Expo da riñ ko ya ki heh na ki 20 ri, 60 ngut ki Minister ka sorkar pyrdi, wa 500 tylli ki karkhana AI na kylleiñ ka pyrthai.
Discussion about this post