Ka Jingiaseng Samla KJP Synod Mihngi kawa Arphaw-Soo (XXIV) daw man ko ha ka Balang Presbyterian Mynso, Mynso Presbytery nadooh ka 27 tarik u February hadooh ka 1 tarik u March 2026.
Neiliang ka Balang Presbyterian Mynso da khut sñiawbha ko ya waroh ki para wangait kiwa em hapoh u pood ka KJP Synod Mihngi wa kiwi kiwi leh kiwa ye wow wanlang cha kani ka yaseiñ ha ka Sngi U Blai (01-03-2026).
Ka chnong Mynso jngai ko du kamwa 24 Km na Jowai wa 12 Km na ka laad Pasyih, wei yei u poi cha ka chnong Mynso na ki soo tylli ki sarok, kitæ ka Pasyih–Mynso Road; Lad Mukhla-Nangbah-Kyndongtuber Road; Shangpung- Pammanik Road wa ka Samatan-Mynso Road. Kitai ki sarok waroh soo tylli toh kiwa dadep chna pynbha.
Kamtæ neibynta wow lai bait i wan cha kani ka Jingiaseng Synod, ka Balang da kyrpaad yo ya kiwa wan yaseiñ waroh wow kohngooh wei wow bood yei pynbait kiwa man kamni ha wah:
Nadooh ka 7 AM hadooh 5 PM ha ka Sngi u Blai (Sunday) ym chah de ya kiwon kiwon ki kari na Mynso wa Kyndong Tuber wow lai cha Phramer/Jowai.
Yow lait na iwon iwon i eh, da kyrpaad ya kiwa wan yaseiñ wym toh wow yaknieh Pass kari khamtam nadooh Pasyih hadooh Mynso.
Ka Balang ym chah ko ya kiwon kiwon wow wan dai iwon iwon ha katai ka sngi.
Ki parawangait kiwa wan na ki thaaiñ Shillong, Ummulong, Wahiajer wa Nartiang ye ki wow lai na u sarokLad Mukhla-Nangbah-KyndongTuber; kiwa na Presbytery Mowkaiaw wa Shangpung u lai ki na u surok Shangpung-Pammanik; kiwa na ki thaaiñ Tadbamon, Barato wa Lapangap u lai ki na u surok Samatan-Mynso; wei kiwa wan na ka Presbytery Jowai, War Jaintia, Rymbai, Sutnga wa kiwi kiwi u lai ki na u sarok Pasyih-Mynso.
Ki thaw pynsangeh kari toh kiwa em ha soodong ka thaw wa pynman yaseiñ, kamtæ ka Balang ym em pynkhreh ko ya ki Car Pass.
Ki parawangait yong ka Balang Mynso da khut wei pdiang sñiawbha ki ya kiwa wan yaseiñ waroh cha ki yung ki sem yong ki.
I pyntip na u TBn. E.A. Sungoh, Secretary ka Balang Presbyterian Mynso.
Discussion about this post