Ynne ka sngi man ko ka sngi wow tlep emwarom ya u MP ka Shillong, u Dr. Ricky AJ Syngkon ha Nongsder, Ri-Bhoi District heiwa da pynman ya ka Service ha madan ka ICAR.
Kamtæ ynne ka sngi da sakhi wa kiwa boon ki dukan ha Shillong khamtam ha thaaiñ Motphran hadooh Khyndailad kamjooh ki kattu katni ki bynta da man ki kiwa khang.
Neiliang ki kattu katni ki seiñbhalang kam ka dak wow kynmoo warom ya u Dr. Ricky Syngkon da phah khang ki ya ki dukan kamjooh ki Bank kiwa da wai ha kani ka sngi.
Ka seiñ HYC da kyntu ko ya waroh ki Bank, ki yung krehkaam ki karkhana wa Company samen, kamjooh ki dukan wow khang ki ha kani ka sngi kam ka dak wa burom ya u Dr. Ricky AJ Syngkon.
Da ong wa u Dr. Ricky man u u bru wa da naam na Ynñiawtrep heiwa i khlaad yong oo man i dooh yong ka jaitbru kamtæ da kyrpaad ya waroh wow krehlang deiwa sangeh u kreh ha ka 21 tarik.
Chooh chooh da em leh i kyrpaad na kiwi ki seiñ wow khang ya ki dukan dukdoh ha kani ka sngi.
Discussion about this post