Jowai : Ynnin ka 23 tarik da mih ki kyntien wa klam wa beiñ pyrchah ya ki kaam wow bood tooh wow dai tooh ya ki phlim Pnar-Khasi iwa ktah joor ya kiwa embynta heiwow chna næ pynmih ya ki.
Kani ka pynsñiaw da mih ko ha ka yalang wow wai ya i bynta wow pynsmiej ya ki paidbah (Trailer) ka film Inamorato, heiwa ya kani ka yalang da pyllai da u Damanleki Lathong.
U Director ka film u Jimmy Kharmuti uwa man leh kam uwa pynmih (Producer) wa uwa ak ha kani ka film da ong u wa ki kaam chna phlim man ki ki kaam wow wai laad ya ki khynroo wow yohkhih yohkreh ki wei kani ka film toh wow khana wow saiñdur ya ka imlang sahlang hapoh ka ri-loom Jaiñtia katni.
U Rikut Parien, President JSU hei klam da ong u wa sñiawsih wow yoo wa ya ki phlim mar ya pynmih ya ki da yoh cha ki mobile, deiwa lai cha ki cyber cafe wow thied tooh ya ki iwa ktah ya i lutsan iwa da pynlut wow pynmih ya ki ym du ka poisa tangwa pyndooh mynsien ko leh ya ka sap yong kitu kiwa emkti wow pynmih ya ki.
U symbood kongsan u Nehemayah Tyngkan da ong u wa lada pait ha iwi i sur em uwa rwai, wa tem, wa mix, wa edit, wa kiwi kiwi tæ lada wyrchaw da ki spah ngut kiwa yoh khih na kani ka kaam.
Kam u kongsan u Deputy CEM ka JHADC u Andrew Shullai da e mynsien u ya u Jimmy, da ong u leh wa emkaam u pait wa kammon ka jait film ka-it ki bru u pait khnang wow ye u pynpliah ya kiwa kwah kiwa boon walang.
Da pynkut u deiwa ong “E wa kani ka trailer u pynbor ko ya ki paidbah wow kwah ki u pait ya kani ka film nadooh wa sdang hadooh wa kut”.
Kiwi kiwa da klam toh u Terrance Sawian, wa u T. Lyngdoh.
Discussion about this post