Ka Naphishisha Marweiñ kawa yakhun Election MDC na ka United Democratic Party (UDP) ha u snem wa dadep, da psiah noh ko cha ka National People’s Party (NPP).
Ha kani ka sngi da synraan ya ka da kiwa ha-yung wa kiwa kyrchaan ya ka wei da pdiang sñiawbha ya ka da u President ka NPYF uwa man leh u Montri ka sorkar, u Wailadmiki Shylla hei emlang u MLA ka Umroi, u Damanbait Lamare, u Donkupar War, u Hamletson Dohling, u HM Shangpliang, u Bajop Pyngrope wa kiwi.
Ka Naphishisha Marweiñ da ong ko wa i daw wa psiah ko cha ka NPP toh na ki daw wa ka Party wanrah ko ya ki kaam pynroi wa ki Scheme wa myntoi ki paidbah khamtam wa pyrkhat ko ya ki khynroo khyllood.
U Wailadmiki hawa e i klam da yaroh u ya ka Naphishisha, kawa kreh neibynta ki paidbah hanla ym em jop ko ya ka Election.
Da ong u wa boon kiwa yahkhmat paidbah kreh ki du hawa jop Election wei manda rem ym jooh yoo de ya ki deiwa pynrap wa ini pynman i ya oo wow khut ka wow wan cha ka NPP.
Discussion about this post