U MLA ka 1-Nartiang Constituency uwa man leh kam u Symbood ba Montri Rangbah ka jylla, u Sniawbhalang Dhar da yarap u Rs. 15 lak yow chna ya ka madanbol ha chnong Sohphoh, West Jaiñtia Hills.
Neiliang kiwa chong chnong wa kynthup ya u Mutshwa Thabah, Waheh Chnong Sohphoh wa u Foster Kharsahnoh, Secretary Chnong Sohphoh deilang kiwa yahkhmat ka Lumphyrnai Sport Club Sohphoh kiwa kynthup ya u Lungris Mukhim, Chairman, u Dapyntngen Suting, Secretary wa ki dkhot yong ka Sport Club waroh kawi, da pynsñiaw ki yei sñiawngooh wa khroo yei sbun mynsien yong u MLA wow yarap wei kyrchaan ya ki khynroo ka chnong lyngba kani ka madanbol.
Da ong ki wa deiwa yoh ya kani ka madanbol wa bha daw yarap ko ya ki khynroo wow nang ye chooh chooh wow pynpliah ki ha ki kaam yalehke yow lait na ki kaam wa sih.
Neiliang ka Balang Catholic Sohphoh, lyngba kiwa yahkhmat ka Balang wa kynthup ya u Ebendiko Lyngdoh, Rangbah Balang wa u Donboklang Nongrum, Secretary Balang wa ki paaid para wa ngait ka Balang Catholic Shphoh waroh kawi da pynsñiaw ki yei sñiawngooh ya u Sniawbhalang Dhar wa da yarap u Rs. 2.50 lak yow pynbha ya ka skur yong ka Balang, ka RCLP School Sohphoh.
Da ong wa lyngba ini i yarap daw ye u pynchna ya ki skur thymme wei u pynbha ya kiwa da rim neibynta i bha i miat ki kynnah.
Discussion about this post