Jowai : U District Magistrate, West Jaintia Hills District, Jowai da hukum u wa neini chakhmat da khang pyrchah ïa ki bru u pyndait ki da waroh ki jait horn kari kam ki air pressure horn, hooters, trumpets, musical, reverse horn wa kiwi ki jait horn wa ym toh da ki jait horn wa pyndait da ka company nadooh wa thied.
Da khang leh ïa waroh ki kari wa ymhoi de u pynemkaam ki da ki Headlight kari wa em da ki bulb LED lait noh da ki jait wa da pyndait da ka company nadooh i por wa thied ïa ka kari.
Da pynmih ïa kani ka hukum hadien wa chem wa boon ki kari katni da pynemkaam ki da kini ki LED Headlight khamtam ki trok wa ki taksi wa booh leh ïa i ma wa joor ïa kiwi ki kari wa wan wa lai cha sarok kamjooh ïa ki paidbah wa lai narood sarok.
Lada chem wa tyngkhieñ ïa kani ka hukum daw pynchitom ïa ki katkam ka section 188 yong ka Indian Penal Code, 1860 wa ka aiñ Motor Vehicles Act 1988.
Ia kani ka hukum u pynkrehkaam nadooh myntu ka sngi wei u neh ko ar bnai.
Ia kani ka hukom da pynkrehkaam katkam ka rai iong ka Supreme Court ha 10 Kmaichonglad 2013 ha ka case SLP (Civil) 25237/2010 hadien wa chem wa joor ware ood kini ki horn weiwa tyrchaiñ kini ki lite LED kthah ko ïa ki bru hadooh ïa u klong snam wa ïa ki chkoor yong ki bru.
Discussion about this post