Ka Young Lads CC da jop suk ko da 76 Run ya ka Ummulong B ha ka yalehke ynne ka sngi yong ka District Cricket League 2026 wa pynlai da ka West Jaiñtia Hills District Cricket Association.
Ya ka kylla-khlem da jop da ka Young Lads CC kawa da jied wow Bat nyngkong wei da kamai ko 173 Run deiwa haap lut ko waroh ki Wicket ha ki 34.5 Over. U Riata Challam da kamai u 24 Run na ki 25 bol wa kynthup ya 4 tylli ki 4 Run katwa u Namewanki Pakyntein won da kamai u 21 Run na ki 17 bol wa kynthup ya 4 tylli ki 4 Run. Na kiwa kawang bol ka Ummulong B, u Kermiki Bamon wa u Cleofast Bamon da yoh ki u pynhaap mar 3 Wicket na ki 7 Over.
Hawa beh ya ka thong, ka Ummulong B da ye ko wow kamai du 97 Run deiwa haap lut ko waroh ki Wicket ha ki 20.3 Over. Napyrdi kiwa Bat, du u Joneshwa Passah uwa rap lehbha deiwa kamai 25 Run khlem chah pynhaap na ki 38 bol wa kynthup ya 2 tylli ki 4 Run.
Na kiwa kawang bol yong ka Young Lads, u Waibhami Ryngkhlem wa u Maremdorkini Sutnga da yoh ki u pynhaap mar 3 Wicket, katwa u Saunihi Patwet da yoh u 2 Wicket.
Yei naam Man of the Match da yoh rah da u Maremdorkini Sutnga uwa lehke ka Young Lads.
Ha ka 9 tarik daw em ar tylli ki yalehke, kawi toh ha hapyrdi ka Goodwill Mupliang pyrchah ya ka Chutwakhu SC ha madan Khliehtyrchi heipor 9:00 waje i step. Kawi won toh ha pyrdi ka Ummulong SC pyrchah ya ka Dulong CC ha madan Wahiajer heipor 9:00 waje i step hi.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post